Претседателот на Собранието Талат Џафери, во рамките на дводневната работна посета на Црна Гора, денеска присуствуваше на чинот на ратификацијата на Протоколот за пристапување на Република Северна Македонија во НАТО во Собранието на Црна Гора. Гласањето беше едногласно и за Протоколот се изјаснија за 44 пратеници, во отсуство на пратениците од опозицијата.
По ратификацијата, ПСРСМ Талат Џафери имаше билатерална средба со неговиот домаќин, претседателот на Собранието на Црна Гора, г. Иван Брајовиќ а дадоа и заеднички изјави за медиумите.
