Едно семејство од Германија со нетрпение очекувало летен одмор во Хрватска, па платило речиси 2.500 евра за 12 дена во куќа за одмор со базен. Но, кога пристигнале, биле шокирани и разочарани!
Германскиот „Штерн“ пишува дека сместувањето што му било ветено на семејството на Вероника Хермел всушност било запоставено, и ништо не било како што било прикажано на фотографиите. Семејството барало отштета.
Видеото што го направиле од сместувањето покажува многу мувла на ѕидовите, скршени плочки во и околу базенот, тоалет кој видел многу подобри денови, а семејството тврди дека постоел и ризик од повреда на скалите и влезовите во собите. Таванските светла исто така виселе од жици.
Veronika Hermel reist mit ihrer Familie nach Kroatien. Die versprochene Traumunterkunft entpuppt sich als Sanierungsfall. https://t.co/Hi3HIDv5ke
— stern (@sternde) July 20, 2025
Турист од Германија снимил употребен кондом во дворот на куќата.
„Не можевме да ги зголемиме фотографиите на страницата за изнајмување, па не можеше да се види што е скршено, оштетено или каде може да се повредите. Фотографиите дефинитивно биле изменети во Фотошоп. Не можевме да го прифатиме тоа“, се пожали Вероника Хермел на „Стерн.де“.
Таа не прецизираше за кое место станува збор.
Семејството веднаш контактирало со давателот на услуги за изнајмување, агенцијата, но наводно биле одбиени. Не им биле вратени парите, ниту им бил даден никаков алтернативен смештај.
По совет на нивниот адвокат, семејството не сакало да помине ниту една ноќ во станот бидејќи тоа би значело прифаќање на неприфатливи услови. Тие биле оставени без сместување три часа додека не успеале да најдат нова куќа за одмор, што ги чинело дополнителни 2.600 евра, објавува Dnevnik.hr.
На почетокот на јули, агенцијата се извинила и им ги вратила парите.
Видеото можете да го погледнете ТУКА
