Британската Национална агенција за криминал (NCA) денеска соопшти дека е уапсен маж на околу 40-годишна возраст во врска со големиот кибер-напад што предизвика повеќедневен хаос и стотици одложени летови на неколку европски аеродроми, вклучително и лондонскиот „Хитроу“.
Според агенцијата, мажот бил уапсен во Западен Сасекс како дел од истрагата за „кибер-инцидент кој ја погоди компанијата Collins Aerospace“.
Проблемите на аеродромите настанаа откако софтверот за чекирање и управување со багаж на оваа компанија, кој го користат повеќе авиокомпании, престана да функционира. Ова доведе до огромни доцнења, а некои авиокомпании беа принудени да се вратат на мануелни методи, издавајќи карти за бордирање на патниците рачно, со пенкало и хартија.
Пол Фостер, шеф на националната единица за кибер-криминал во NCA, изјави дека апсењето е позитивен чекор, но нагласи дека истрагата е сè уште во рана фаза и останува во тек.
A man in his 40s has been arrested in connection with a cyber-attack which has caused days of disruption at several European airports including Heathrow.
— Breaking Aviation News & Videos (@aviationbrk) September 24, 2025
The UK's National Crime Agency (NCA) said the man was arrested in West Sussex "as part of an investigation into a cyber… pic.twitter.com/Pw0kMo3VCR
