Синоќа во Домот за стари лица во Тузла избувна пожар од големи размери, во кој, според досегашните информации, загинаа 11 лица, а 35 се повредени, од кои најмалку двајца се во тешка состојба. Меѓу повредените, покрај жителите и вработените во Домот за стари лица, имало и полицајци и пожарникари кои биле на терен спасувајќи луѓе од пожарот. Откако пожарот бил локализиран, започнала истрага, која, како што потврдиле властите, била привремено прекината.
Во текот на ноќта, вкупно 30 лица биле хоспитализирани во Клиничкиот центар на Универзитетот во Тузла, од кои 20 биле на Клиниката за белодробни заболувања, меѓу кои тројца полицајци и шест пожарникари, а останатите биле корисници и вработени во Домот за стари лица во Тузла.
Еден пациент починал во текот на ноќта, додека пет лица моментално се на респиратор, потврди директорот на Клиничкиот центар на Универзитетот во Тузла, Шекиб Умиханиќ.
Исто така, по синоќешната трагедија, Мирсад Бакаловиќ поднесе оставка од функцијата директор на Домот за стари лица во Тузла.
