Новинарот на ABC News, Дејвид Муир, се врати во програмата откако се соочи со низа критики за носење штипки за да ја затегне јакната додека од терен ги покриваше шумските пожари во Лос Анџелес.
По серијата реакции на социјалните мрежи, американски репортер реши да ги тргне штипките и да ја откопча огноотпорната јакна додека известуваше за шумски пожари.
David Muir reads the tweets! HAHA 🤡🤡🤡 #abcnews pic.twitter.com/gCPgARhJ9J
— Meme Trumpy (@Memetrumpy) January 10, 2025
Непријатната грешка во средата беше откриена случајно за време на програма во живо во која се покажа дека Муир е повеќе фокусиран на изгледот отколку на жртвите и последиците предизвикани од катастрофалните пожари.
По тој повод многумина го нарекоа „неетички, патетично и нарцисоидно копиле“, а некои дури и се шегуваа на негова сметка.
Снимките кои кружат на социјалните мрежи го покажуваат Муир како известува од погодените области додека зад него извира чад во уништените населби. Во еден момент се врти за да ја покаже штетата и потоа се гледа дрвена штипка за алишта.
David Muir appears to be using clothespins to keep his jacket fitted while reporting on the devastating LA fires
Video via @JackOsbourne pic.twitter.com/EnaD1YFW8o
— Jon Levine (@LevineJonathan) January 9, 2025
Патем, користењето штипки за затегнување на алиштата е стандарден трик за стајлинг на телевизија, кој се изведува за затегнување на облеката без шиење.
Потсетуваме дека од вторникот најмалку 10 лица загинаа во пожарите кои зафатија делови од Лос Анџелес. Пожарот Кенет е трет по големина од петте активни големи пожари кои уништија повеќе од 9.000 објекти, вклучително и илјадници домови, принудувајќи ги жителите да се евакуираат. Ова може да биде една од најскапите катастрофи со шумски пожари во историјата на САД.
