Учесниците на климатските преговори на ООН на Самитот COP30 беа евакуирани поради пожар што избувнал во павилјонот во кој се одржува настанот, во бразилскиот град Белем.
Новинарите на BBC забележале пламен и чад во дел од павилјонот пред да излезат надвор.
Бразилската влада соопшти дека пожарот е ставен под контрола и дека никој не е повреден.
Портокалови пламенови прогореле дупка низ лимениот покривач на местото на одржување, кое се наоѓа на поранешен аеродром.
Едно видео прикажува маж како со противпожарен апарат се обидува да ја изгаси огнената стихија пред да побегне.
NOW – Fire at COP30 "Climate Summit" in Brazil. pic.twitter.com/zL4942BxER
— Disclose.tv (@disclosetv) November 20, 2025
Сè уште не е позната причината за пожарот, пренесува BBC.
Илјадници луѓе присуствуваат на климатските преговори на ООН, меѓу кои и членови на делегации од целиот свет.
Речиси 200 земји се обидуваат да се договорат како да се постигне напредок во борбата против климатските промени.
Еден член на британската делегација изјавил дека се враќаат во нивното сместување и дека пожарот ги нарушил преговорите.
