Седумкатница се урна утрово во северозападниот турски град Гебзе, во покраината Коџаели, информира гувернерот на оваа провинција, Илхами Акташ.
Спасувачите извлекоа мртви тела на две деца, а едно лице е пронајдено и извлечено живо од урнатините на седумкатницата.
Според турските медиуми, петчлено семејство се наоѓало во зградата во моментот на нејзиното уривање. Сепак, спасувачите успеале да ја извлечат жива 18-годишната ќерка на ова семејство.
Çöken binanın enkazından 2 kişinin cansız bedeni çıkarıldı
— Günebakış Gazetesi (@gunebakis02) October 29, 2025
Kocaeli’nin Gebze ilçesinde sabah saatlerinde çöken binanın enkazında kalan 5 kişilik aileden 2 kişinin cansız bedenine ulaşıldı.
HABERİN DEVAMI SİTEMİZDE.
https://t.co/nltJcnofje pic.twitter.com/CvxwuqUYvJ
Сè уште не се познати причините за уривањето на зградата. На местото на урнатата зграда се наоѓаат екипи на полицијата, пожарникари, спасувачи и членови на Администрацијата за цивилна заштита, кои учествуваат во потрагата по преживеани.
Како што изјави турскиот министер за внатрешни работи Али Јерликаја, спасувачката операција ја координираат гувернерот и градоначалникот на Гебзе.
A residential building collapsed in #Kocaeli. According to preliminary reports, citizens are trapped under the rubble.#Turkey pic.twitter.com/IgNcoGlOAI
— Karina Karapetyan (@KarinaKarapety8) October 29, 2025
Според него, во операцијата учествуваат 147 спасувачи, вклучувајќи 80 членови на Администрацијата за цивилна заштита, како и членови на волонтерски организации и на општината.
Се користат две обучени кучиња трагачи, осум уреди за откривање на лица заглавени во урнатини, два дрона и 52 возила.
Во Гебзе, град со околу половина милион жители, во 1999 година се случи земјотрес со јачина од 7,6 степени, во кој загинаа 18 000 луѓе.
