Антиимигрантските демонстранти запалија полициско возило пред центар за азиланти, изјави министерот за правда, еден ден откако еден маж беше уапсен за напад врз девојче во близина. Десетгодишното девојче мигрантче наводно било сексуално нападнато.
„Ајриш тајмс“, кој објави видео од палењето на полициско возило, објави дека повеќе од 500 луѓе учествувале на протестот во западен Даблин вечерва.
Видеата објавени на X од ирските медиуми и антиимигрантските активисти покажаа луѓе како држат ирски знамиња и транспаренти со антиимигрантски слогани.
Демонстрантите фрлаа стаклени шишиња и пиротехника кон полицајците.
Полицијата во вторник објави дека маж на возраст од 20 години е обвинет за сериозен напад врз малолетник во областа.
Лидерот на главната опозициска партија Шин Фејн во парламентот во вторникот цитираше извештаи дека на напаѓачот му е наредено депортирање во март оваа година.
Иако Ирска е речиси единствен случај на земја во Европа што нема крајно десничарски пратеници во парламентот, во последниве години има нагло зголемување на антиимиграциските групи кои одржуваат редовни собири и бараат ограничување на имиграцијата.
Еве повеќе видеа од вечерва.
