Нов рекорд во потрошувачката на сирова коприва беше поставен на Светското првенство во оваа необична дисциплина, што се одржа на фарма за јаболковини во Вејтаун во близина на англискиот град Бридпорт.
Том Вилер од Лондон изел 25,4 метри сурови листови од стебленца од коприва и го соборил претходниот рекорд за консумирање коприва, кој изнесувал 19,5 метри.
Бранителот на титулата во женска конкуренција, Бет Хуџис, ја задржа титулата јадејќи 19,5 метри лисја од коприва и со тоа го собори сопствениот рекорд за консумирање на тоа растение, кое гори од минатата година, за 1,2 метри.
Светското првенство во јадење коприва се одржува од осумдесеттите години на минатиот век. Првиот натпревар се одржал во Маршвуд, но кога пабот се затворил бил преместен во фармата со јаболка Дорсет Нектар Сидер во Вејтаун, пишува Full Suitcase.
Коприви и сок од јаболко
На Светското првенство годинава учествуваа околу 30 луѓе од различни делови на светот, меѓу кои Велика Британија, Холандија и Америка.
Стебленцата од коприва се собираат и се сечат на парчиња од 2 стапки или 61 сантиметар. На натпреварувачите им се дава да пијат сок од јаболко додека ги лупат листовите од коприва од стеблото или можат да го потопат својот зелен оброк во него пред да го стават во уста.
Сокот од јаболко наводно го олеснува голтањето на зелените листови, но го ублажува и чувството на печење во устата предизвикано од конзумирање на коприви.
Победник на натпреварот е оној кој ќе изеде најмногу коприви за 30 минути, пренесува citymagazine.
