ВИДЕО: Хрватски „остров на љубовта“ – ова е идеална дестинација за вљубените

Малиот остров Галешњак, попознат како „Островот на љубовта“ или „Островот на љубовниците“, се наоѓа недалеку од хрватскиот град Задар, на Јадранското море.

Овој остров е ненаселен и е идеална дестинација за дневни патувања на вљубените парови, меѓу другото, и поради својот облик на срце.

Картографот на Наполеон, Шарл-Франсоа Бјутемпс-Бопре нацрта совршена форма на срце на картата на хрватскиот брег во почетокот на 19. век, но островот на љубовта стана атракција дури во 2008 година, односно откако „Гугл Ерт“ го прогласи за едно од неколкуте природно обликувани срца – феномени.

На островот нема туристички капацитети, а целата негова површина е покриена со ниска вегетација.

Посетителите овде може да очекуваат мир и тишина прекината само поради звуците на брановите и штурците.

До брегот на островчето може да се стигне и од островите Турањ, Пашман, но и од Задар.

Во сезоната се достапни и многу тури и крстарења, во облик на дневни патувања.