Вселенско летало без екипаж произведено во САД успешно направи историски подвиг и слета на Месечината.
Со ова, Firefly Aerospace од Тексас стана втората приватна компанија во светот која успешно го постигна овој подвиг.
Месечевото летало Blue Ghost, високо два метри, слета на блиската страна на Месечината денеска во 2:34 часот по американско време.
Според извршниот директор на Firefly, Џејсон Ким, лендерот бил „стабилен и исправен“ по слетувањето.
🌕 Moon Landing LIVE
— NASA (@NASA) March 2, 2025
Watch as @Firefly_Space’s Blue Ghost lunar lander, well, lands! It’s scheduled to touch down on the Moon’s surface no earlier than 3:34am ET (0834 UTC). https://t.co/Py3Zcv6fu2
„Имаме месечева прашина на нашите чизми. Никогаш не знаеш каде ќе слеташ. Само што слетавме на Месечината. Се надеваме дека Firefly ќе инспирира цела генерација денес. Во универзумот има место за секого“, додаде тој.
Леталото слета во близина на древна вулканска област наречена Монс Латреј, која се наоѓа на крајниот источен раб на видливото лице на Месечината северно од екваторот.
Тимот ја избрал оваа локација бидејќи „избегнува големи магнетни аномалии“ — (или дисконтинуитети) на површината на Месечината што би можеле да нарушат некои од нашите мерења на носивоста.
Вршителот на должноста администратор на НАСА Џенет Петро се заблагодари на тимот на Firefly и на сите што работеа на мисијата.
Оваа година беше лансирана парада на приватно развиени лунарни возила, дел од конвојот роботски вселенски летала за кои НАСА и нејзините партнерски агенции се надеваат дека ќе го отвори патот за астронаутите да се вратат на површината на Месечината подоцна оваа деценија.
Во февруари 2023 година, друга вселенска компанија со седиште во Тексас, Intuitive Machines, стана првата компанија од приватниот сектор што слета летало на Месечината, но генерално гледано, околу половина од сите обиди за слетување на Месечината не успеваат.
