На социјалните мрежи масовно почна да се шири видео од познатиот подкастер Џо Роган, кој пред неколку месеци предвиде дека Лос Анџелес ќе го снајде катастрофа како сегашните пожари.
На неговиот подкаст „The Joe Rogan Experience“, тој предупреди дека кога „вистинскиот ветер“ ќе погоди еден од многуте шумски пожари во Калифорнија, огнот ќе ја изгори Л.А. сè до океанот.
Роган (57) носеше маица од противпожарната служба во Лос Анџелес кога разговараше со колегата комичар Сем Морил во јули и објасни зошто го напуштил Лос Анџелес, а една од причините е тоа што секогаш „чека да се случи следниот пожар“.
Три пати бев евакуиран од мојата куќа поради пожарот, изјави Роган.
🔥 L.A. Fires Predicted with incredible accuracy by Fireman who spoke to Joe Rogan. 👀🔥 pic.twitter.com/oO7mEudMlS
— TUPACABRA (@TUPACABRA2) January 8, 2025
„Во последната до темел изгореа две куќи пред мојата.
Тој, исто така, рече дека е „многу страшно“ да се гледа како се приближува огнениот пекол и дека тој, неговата сопруга и децата одлучиле да заминат пред да биде издадена наредбата за евакуација. „Пожарот заврши во нашата населба и уништи 40 куќи“, додаде тој.
Роган тогаш рекол дека бил „откачен“ од разговор со пожарникар.
„Тој ми рече: „Еден ден, само ќе има вистински ветер, пожарот ќе започне на вистинското место и ќе изгори низ Л.А. сè до океанот, и ништо не можеме да направиме за тоа“, се сеќава тој.
