Камион што превезувал мајмуни се превртел на автопат во американската држава Мисисипи, предизвикувајќи хаос, објави CNN.
Канцеларијата на шерифот на округот Џаспер објави на Фејсбук дека сите освен еден од избеганите мајмуни се убиени, предупредувајќи дека животните биле „агресивни“. Сè уште не е јасно колку точно мајмуни имало во камионот во времето на несреќата, која се случила на меѓудржавниот пат 59 северно од градот Хајделберг.
Камионот превезувал резус мајмуни, кои тежат во просек околу 7,7 килограми и се едни од најпроучуваните животински видови за медицински цели. Тие биле сместени во Националниот центар за биомедицински истражувања на приматите на Универзитетот Тулан во Њу Орлеанс, кој рутински снабдува примати со примати на научно-истражувачки организации. Не е познато кој ги транспортирал животните или каде биле испраќани.
Видео снимките од местото на настанот покажуваат мајмуни како лазат низ висока трева по автопатот, додека наоколу се расфрлани здробени дрвени гајби со ознака „живи животни“. Иако канцеларијата на шерифот првично изјави дека мајмуните пренесуваат болести, вклучително и херпес, Универзитетот Тулан го негираше ова, велејќи во соопштение дека мајмуните „не се заразни“.
Канцеларијата на шерифот одговори дека возачот на камионот им рекол дека мајмуните се опасни и дека со нив треба да се постапува со лична заштитна опрема. Универзитетот Тулан соопшти дека соработува со полицијата, а на лице место е и Одделот за рибарство и див свет на Мисисипи. Причината за превртувањето на камионот сè уште не е позната.
Law enforcement kills several monkeys after truck hauling them overturns in
— LASHY BILLS (@LASHYBILLS) October 29, 2025
Mississippi
According to authorities, the Rhesus monkeys were on their way to a testing facility in Florida after being at Tulane University. pic.twitter.com/n6n9AYotvJ
