Дали ова е вистинското лице кое вчера пукаше во Ист Гејт? Или пак целосна латекс маска за лице го прикрива вистинскиот идентитет. Редакцијата на 4NEWS.mk го отвора прашањето по деталното анализирање на фотографијата која ја објави Министерството за внатрешни работи (МВР) и снимката која беше испратена до медиумите.
Убиецот има поголема глава и лице неразмерно од телото, а устата е подотворена. Но кога трча воошто не се забележува дека тој има проблем со маската или видливоста. Точно знае кон кој излез да се упати. Ваквите маски доколку не се добро залепени знаат да предизивикаат и проблеми со видливоста, па човекот кој ја носи би бил приморан со раце да ја до намести за да има видливост, но во овој случај тоа не се случи.
На кратко ова може да се нарече ликвидација по сценарио на холивудски филм. Сред бел ден, во трговски центар и покрај други лица. Додека метата е на ескалатор, човекот во бел блузон и со слушалки на уши се доближува, го вади пиштолот и испукува најверојатно три куршуми. Нема грижа за останатите посетители во трговскиот центар кои поминаа тука пред само неколку секунди.
Случајот со платени убијци не е непознат во регионот. Утрово полицијата на Црна Гора упадна во стан кој бил изнајмен од платени убијци. Подготвувале убиство, а покрај оружје полицијата пронајде и силиконски маски потребни за прикривање на идентитетот.
Кога еднаш во холивудскиот акционен блокбастер „Невозможна мисија“ во една сцена, споредниот лик го симна „лицето“ – силиконска маска и се покажа дека е главниот лик Том Круз, сите беа импресионирани од тој потег.
Но, изгледа дека некои луѓе го гледале тој филм и сфатиле како можат да ја искористат оваа „нова технологија“ во своја полза, дека маскирани и непрепознатливи луѓе убиваат луѓе за пари.
Неодамна, црногорската полиција упадна во станбен блок во Будва, организиран од меѓународна група на наемни убијци. Уапсени се Ерменец и Албанец, додека третиот член, наводно Грк, успеал да побегне и по него е распишана потерница.
Во станот се пронајдени докази од кои јасно се гледа што правеле и која била нивната намера. Два пиштоли, автоматски пиштол, озлогласената „шкорпија“ со пригушувач, но и силиконски маски, две верни копии од лицата на двајца постари господа, еден ќелав постар господин и еден седокос пензионер.
Според полицијата нивна цел бил човек од Будва кој важи за блиско лице на Лука Бојовиќ. Бидејќи се работи за лице кое се грижи за неговата безбедност, убијците планирале да му пријдат маскирани како постари луѓе, од кои не би се очекувало дека ќе можат да трчаат, а камоли да нацртаат автоматско оружје и да ги загаткаат жртвите.
