Најмалку четири лица загинаа во индиската држава Утаракханд , на Хималаите, поради лавина, јавуваат локалните медиуми.
Инцидентот се случи во петокот на 28 февруари во областа Шамоли, на помалку од пет километри од популарниот хинду храм Бадринат, кој секоја година го посетуваат стотици илјади луѓе.
Под снегот затрупаа вкупно 55 работници вклучени во градежни работи на патишта. Според индиската армија, првично биле спасени 50 луѓе, но четворица од нив им подлегнале на повредите.
„За жал, потврдено е дека четири лица им подлегнале на повредите“, соопшти војската.
Уште пет се водат како исчезнати. Спасувачите користат шест хеликоптери за да ги лоцираат бидејќи патиштата се блокирани. Сепак, работата им ја отежнува слабата видливост и густиот снег.
Uttarakhand | 14 civilians have been rescued and evacuted from avalanche site by Indian Army this morning. Search and rescue operations continuing for more than 24 hours. With slight respite in the weather, three injured personnel evacuated from Mana to Joshimath for critical… pic.twitter.com/46gJQYxq8B
— ANI (@ANI) March 1, 2025
Лавините се вообичаени во повисоките региони на Хималаите, особено во зима.
Селото Мана, кое се наоѓа во близина на местото на трагедијата, било напуштено откако жителите се преселиле на пониски височини за да избегаат од екстремните временски услови, пишува весникот The Indian Express.
Во 2022 година, 27 луѓе загинаа во лавина во истата држава. Една година претходно, речиси 100 луѓе загинаа кога огромно парче глечер падна во река, предизвикувајќи поплави.
