Српскиот тенисер Новак Ѓоковиќ се пласираше во осминафиналето на престижниот Мастерс во Шангај, но победата против Германецот Јаник Ханфман не дојде лесно.
Во текот на целиот натпревар, Ѓоковиќ изгледаше исцрпено и видливо се мачеше на теренот, што делумно може да се припише на тешките услови за игра, за кои самиот се пожали претходно. Високата влажност и топлината во Шангај оставија трага врз најдобриот тенисер во светот.
Djokovic a vomi plusieurs fois durant son match face à Hanfmann
Fou qu’il ait gagné en 3 sets malgré ça
TOUT va bien à Shanghai pic.twitter.com/487tOZ5iQh
— TennisTemple (@tennistemple) October 5, 2025
Колку всушност беше лош, потврдува видеото што се прошири на социјалните мрежи, а кое го сними еден од навивачите од трибините. Имено, во еден момент за време на натпреварот, Ѓоковиќ поврати на теренот, а ова е детаљ што не беше прикажан во телевизискиот пренос.
Сепак, и покрај големите физички проблеми, Ѓоковиќ ја покажа својата добро позната ментална сила и борбеност и успеа да го сврти натпреварот во своја корист.
Во осминафиналето ќе се соочи со нов предизвик против Шпанецот Хауме Мунар, а останува да се види дали ќе може да се опорави и да се прилагоди на условите во Шангај.
