Целосен застој на сообраќајот е создаден попладнево на магистралниот пат што води од Мавровската крстосница кон Гостивар, откако се случи верижен судир во кој учествувале дури осум возила. Полицијата ги советува возачите да ги користат алтернативните локални патишта додека трае увидот.
Причината за прекинот на сообраќајот е тешка сообраќајна несреќа пријавена во полиција во 15:56 часот. Според првичните информации, во судирот учествувале четири автомобили и четири мотоцикли, а најмалку пет лица се пријавени како повредени.
Полициски службеници од Гостивар се наоѓаат на местото на несреќата и го имаат целосно блокирано движењето по магистралниот пат. Возилата кои се движат во овој правец се пренасочуваат преку споредните патишта кај каменоломот „Прогрес“ и преку месноста Панорама во близина на Вруток.
Несреќата се случува на празничниот ден, кога фреквенцијата на возила на овој патен правец е значително зголемена поради враќањето на граѓаните од туристичките места.
Читај и ова:
- 1.ФОТО Пожар во Илинден – огнот се приближува до куќите
- 2.Кривична пријава против самостоен инспектор од СВР Битола – оддавал службени тајни
- 3.Полскиот премиер: Најблиску сме до војна од Втората светска војна
- 4.Руски дрон погоди станбена зграда во Полска, објавија локалните медиуми
- 5.Дневен хороскоп за среда, 10-ти септември 2025 година!
