Земјотрес со јачина од 6,1 степени го погоди градот Синдирги во западната покраина Баликешир во недела навечер, соопшти турската Агенција за управување со катастрофи и вонредни состојби (AFAD).
Земјотресот, кој се случи во 19:53 часот (16:53 часот по Гринич), беше почувствуван во многу градови во западна Турција, вклучувајќи ги Истанбул и Измир, соопштија властите, без да дадат непосредни извештаи за жртви.
BREAKING: A 6.1-magnitude earthquake has caused multiple building collapses in the Gölcük Neighborhood of Balıkesir, Turkey.
— #كابتن_غازي_عبداللطيف (@CaptainGhazi) August 10, 2025
pic.twitter.com/g7HsB3flLL
„Сите тимови на AFAD и нашите надлежни институции веднаш започнаа со пребарување. Досега не е пријавен никаков неочекуван инцидент“, изјави министерот за внатрешни работи Али Јерликаја за платформата X.
Десетина згради се урнаа во Синдирги, епицентарот на земјотресот, изјави градоначалникот Серкан Сак за приватниот турски канал NTV.
„Шест лица живееја во трикатна зграда што се урна. Четворица беа спасени од урнатините“, рече тој, додавајќи дека се во тек напори за извлекување на преостанатите две лица.
Geçmiş olsun Balıkesir Sındırgı( deprem şiddeti 6.1) Geçmiş olsun Türkiye’m… @umitozdag @zaferpartisi pic.twitter.com/JOcrMn8ltK
— Eser Türkistanli Saka (@eserturkistanli) August 10, 2025
„Зградите и џамиите се уништени, но немаме загуба на животи“, додаде тој за ситуацијата во неговиот град.
Според AFAD, по главниот земјотрес се случија седум последователни потреси со магнитуда од 3,5 до 4,6 степени.
Во земјотрес со магнитуда од 5,8 степени во југозападна Турција на почетокот на јуни загина едно лице, а шеесет и девет беа повредени.
Турција е пресечена со неколку раседи кои предизвикаа големи катастрофи.
Југоистокот на земјата беше погоден од силен земјотрес во февруари 2023 година, при што загинаа 53.000 луѓе и беше уништен Антакија, античкиот град Антиохија.