Мал авион во сопственост на пензионираниот NASCAR возач Грег Бифл се урнал и се запалил при обид за слетување на регионалниот аеродром Статсвил во Северна Каролина во четврток.
Се наведува дека загинале неколку лица, а нема официјално потврда дека Бифл бил меѓу патниците.
Регионалниот аеродром Статсвил соопшти дека несреќата се случила во 10:15 часот по локално време и додаде дека службеници од Федералната управа за цивилно воздухопловство се упатиле кон местото на настанот.
Националниот одбор за безбедност во сообраќајот ќе ја води истрагата.
Авионот Cessna C550 полетал од аеродромот, но пилотот се обидел да го сврти и слета.
Бифл, кој следната недела ќе наполни 56 години, освоил 19 трки од Куп серијата за време на 20 години. Неговата последна трка на таа патека била Geico 500 во 2022 година во Талаџеги. Во 2023 година, тој беше прогласен за еден од 75-те најславни NASCAR возачи.
Бифл, исто така, поседува хеликоптер и го користел како дел од спасувачки акции за помош на луѓето во западната Северна Каролина по ураганот Хелена во септември 2024 година.
Breaking: Multiple deaths after a plane crash at Statesville Regional Airport in North Carolina. WSOC, a local news channel, reports that NASCAR driver Greg Biffle owns the plane, although it is unclear if he was on board. pic.twitter.com/nzZMhSg1Tm
— PM Breaking News (@PMBreakingNews) December 18, 2025
