Германската полиција започна опсежна потрага по вооружен млад човек кој утрово упадна во училиште во Хаген, град во сојузната покраина Северна Рајна-Вестфалија. Напаѓачот влегол во училиштето околу 8 часот и 30 минути, но наставниците го забележале и веднаш ја известиле полицијата.
Според достапните информации, негова цел бил еден од студентите. Во акцијата беа вклучени специјални сили и хеликоптер кои го пребаруваа центарот на градот. Како што пишува германски Билд, осомничениот е на возраст од 16 до 18 години и не одел во тоа училиште.
Специјалната полиција брзо реагираше и ја опколи училишната зграда за да ги заштити учениците и да спречи потенцијална трагедија.
Полицијата: Сите студенти се надвор од животна опасност
Специјалните полициски сили, поддржани од хеликоптери, се уште интензивно трагаат по осомничениот во центарот на Хаген. Според првичните информации, ова е поранешното момче на тинејџерката која утрово се обидел да ја нападне.
Девојката која била негова мета сега е безбедно и соработува со истражителите. Дотичниот моментално е кај нас на распит. Сите ученици се надвор од животна опасност и ја добиваат потребната поддршка од надлежните служби“, изјави портпаролот на полицијата.
