Вработените од ЈП „Паркови и зеленило“ – Скопје и неговите фирми-ќерки „Флораком“ и „Луна“ трет ден по ред протестираа поради неисплатени августовски плати. Денеска блокираа делови од булевар „Илинден“ и мостот „Гоце Делчев“.
По протестот, работниците потврдија дека платата е исплатена во јавното претпријатие, но не и во двете фирми-ќерки. Затоа тие најавија нов протест утре од 10 до 12 часот пред Матично.
Претседателот на Синдикатот СУТКОЗ, Стојанче Кашиковски, ги повика и вработените од „Паркови и зеленило“ да им се приклучат во знак на солидарност. Тој најави дека заедно со стручниот тим ќе подготват предлог-документ за нов модел на финансирање на претпријатието, кој ќе биде објавен пред локалните избори на 19 октомври.
Паралелно, Независниот синдикат најави нови блокади на 2 и 3 октомври од 9:30 до 11 часот, на булевар „Илинден“ до дирекцијата на претпријатието.
Читај и ова:
- 1.На 97 години е кандидат за советник во општина Битола
- 2.Наставник од основно училиште во Кисела Вода истепал ученик!
- 3.Над 410 л/кв.м дожд: Царево бара помош од војската, отвора сметка за донации за настраданите
- 4.Судот го одобри во целост обвинението за трагедијата во Пулс: Почнува патот кон судска разврска за 62 жртви
- 5.Се судриле со возилата во Прилеп па почнале да се расправаат – едниот возач извадил нож и го прободел другиот!
