Во Кичево, Пресека и Буково се бележат слаби врнежи од снег, соопштува Авто-мото сојузот на Македонија (АМСМ). Активни забрани за тешки товарни возила има на патните правци Гостивар – Маврово – Дебар, Гостивар – Стража – Кичево, Струмица – Берово и Тетово – Попова Шапка.
ЈП „Македонија пат“ ги повикува возачите на патот Маврово-Бунец преку Никифорово и Леуново да ги отстранат возилата заради непречено работење на екипите. Сообраќајот се одвива по влажни и снежни коловози.
АМСМ потсетува дека од 15.11.2024 започна законската обврска за задолжително поседување зимска опрема во возилата, која трае до 15.03.2025.
