Претседателот на Србија, Александар Вучиќ вели дека се исполнети сите барања на студентите кои пред повеќе од две недели ги блокираа факултетите во Белград, Нови Сад, Ниш и Крагуевац. Тој посочи дека се зголемени материјалните трошоци на факултетите и дека е објавена целата документација за настрешницата на Нови Садската железничка станица. Но, не ги спомена преостанатите две барања на студентите.
Вучиќ ги коментираше и санкциите што Соединетите Американски Држави ги воведуваат против српската нафтена индустрија поради руска сопственост. На прашањето на лидерот за понатамошните чекори, со оглед на тоа што, според неа, барањата на студентите се исполнети, Вучиќ одговори:
„Ние ги исполнивме сите нивни барања, тоа беа нивните единствени барања. Тоа беа барањата на овие политичари во Нови Сад да го нема Вучевиќ, да го нема Ѓуриќ, кој нема апсолутно никаква врска со сето тоа. Тоа никогаш не биле барањата. На студентите, особено на Универзитетот во Белград, од Крагуевац, од Ниш беа фер барања“, рече Вучиќ.
Вучиќ потоа го крена гласот, нагласувајќи дека сите барања на студентите се исполнети, иако не се реални:
„Многу од барањата не беа ниту реални, ниту праведни. Не сакате да признаете дека тоа е исполнето? Вие продолжете со тоа, ние од понеделник се занимаваме со други теми, а вие со својата работа слободно. Лежете, спијте, не морате ништо да учите, не морате никогаш да учите, тоа е ваша работа. Србија ќе продолжи да се развива. Единствено што нема да ви дозволиме, е насилството кое го спроведувате над луѓето“, кажа српскиот претседател.
