Претседателот на Србија, Александар Вучиќ, изјави дека неговиот предлог до Владата на Србија вчера бил да се дадат уште 50 дена за да се најде нов инвеститор, односно купувач за Нафтената индустрија на Србија (НИС), и да не се оди веднаш на национализација, што владата и го прифатила.
„Тоа беше мојот предлог и моја одлука. Побарав целата влада да се изјасни и тие го поддржаа тоа, а не веднаш национализација. Но по 50 дена, доколку не дојде до склучување на купопродажен договор, ние немаме избор и тогаш исто така нема да национализираме веднаш, туку ќе воведеме своја управа и потоа ќе понудиме највисока можна цена и ќе ја платиме највисоката можна цена на руските пријатели“, рече тој.
Тој нагласи дека е тој одговорен за таа одлука.
„За да не префрлате одговорност на владата или на било кого, ова беше по мој предлог. Јас сум одговорен за тоа што не прифативме да ги национализираме ниту пред еден месец, ниту денес, ниту утре, туку што даваме разумни рокови. И подготвен сум да сносим секој вид политичка и секоја друга одговорност. Пошто ние имаме организирана криминална група која управува со одредени обвинителства, ги повикувам да го обвини оној кој е вистински виновник за ова. Веројатно јас воведов санкции“, рече Вучиќ.
