Портпаролката на руското Министерство за надворешни работи, Марија Захарова, денес изјави дека НАТО веќе ги уништил сите нормални контакти со Москва, па затоа, како што изјави таа, најавите на западните земји за укинување на Советот Русија-НАТО се „неважни“.
„Бесмислено е да се коментира за ова бидејќи, покрај сите други агресивни изјави и преземени дејствија за буквално уништување на нормалните односи – не мислам на добри или пријателски, туку барем на нормални или дури и основни контакти, овие планови всушност не се важни“, рече Захарова.
Според неа, НАТО „треба да си постави друго прашање – што се обидуваат да постигнат со вакви изјави, реторика и агресивни дејствија?“, пренесува ТАСС.
