Потребата за целосна замена на батеријата е сè уште исклучително ретка.
Замената на батеријата на електричниот автомобил може да стане поевтина од поправка/замена на бензински мотор до крајот на оваа деценија. Според Recurrent, лидер во анализата на индустријата за електрични возила, трошоците за замена на батериите се во постојан пад.
Всушност, Recurrent предвидува дека до 2030 година цената на замена на батеријата би можела да биде помеѓу 3.200 и 4.800 евра, во зависност од големината на батерискиот пакет. Овој трошок би бил споредлив со големи поправки/замена на бензински мотори.
Како е тоа можно?
Клучот лежи во намалувањето на трошоците за производство и широкото усвојување на нови технологии.
Еден од најважните фактори на оваа промена е популаризацијата на литиум-железо-фосфатните (LFP) батерии. Овие батерии веќе се произведуваат по многу ниски цени (69 евра/kWh) и можат значително да влијаат на трошоците во индустријата за електрични возила.
Според Goldman Sachs, цената на батериите би можела да падне на 64 долари за kWh до 2030 година, додека некои експерти предвидуваат уште подрастичен пад.
Сепак, потребата за целосна замена на батеријата е сè уште исклучително ретка.
Намалувањето на трошоците е резултат на повеќе фактори, а повеќе од 40% од ова намалување е поврзано со намалувањето на цените на клучните суровини, како што се литиумот и кобалтот.
