Претседателот на Украина, Володимир Зеленски, денеска изјави дека интензивната дипломатска активност отвора реални можности во наредните денови да се заокружат договорените чекори за тоа како да се стави крај на војната „на достоинствен начин“.
Тој посочи дека украинската делегација вечерва, според американско време, треба да пристигне во САД, каде што разговорите ќе продолжат врз основа на договорените точки од Женева, пренесе Укринформ.
„Дипломатијата е во полн интензитет. Американската страна покажува конструктивност и верувам дека во деновите што следат може да се финализираат важните чекори за утврдување на патот кон достоинствено завршување на војната“, истакна Зеленски во своето редовно вечерашно обраќање.
