Земјотрес со јачина од 4 степени според Рихтеровата скала е регистриран изутрината во морето кај полуостровот Халкидики, Грција, јави АНА-МПА.
Потресот бил откриен во 07:01 часот, а епицентарот бил на 35 километри југоисточно од селото Сикија во општина Ситонија.
Според Геофизичката лабораторија на Универзитетот во Солун, длабочината на фокусот на земјотресот била 17 километри.