Претседателот на Македонија, Ѓорге Иванов денеска присуствуваше на литургијата по повод Божиќ во Соборниот храм „Св. Климент Охридски“. Тој им честита Божиќ на сите верници посакувајќи им многу здравје, среќа и радост и да бидат сплотени како на овој празник, така и во текот на целата година.
„Празниците се и за потсетување, да не потсетат на сето она што ни овозможило да опстојуваме низ вековите, да не потсетуваат дека треба да го сакаме, почитуваме и чуваме тоа што го имаме. Затоа да си ја чуваме, сакаме и почитуваме Република Македонија, бидејќи неа ја имаме“, изјави Иванов.