Колку пати сте ја слушнале или кажале фразата „Имам брз/бавен метаболизам“? И што точно значи оваа изјава?
Метаболизмот, кога зборуваме од гледна точка на исхраната, е процес на претворање на храната во енергија која ни е неопходна за живот. Терминот „брз“ или „бавен“ метаболизам всушност се однесува на тоа дали храната се претвора во енергија побрзо или побавно.
И има многу фактори од кои зависи.
Годините и генетскиот фактор се дел на кој не можеме да влијаеме!
Но, да видиме зошто можеме да имаме бавен метаболизам и на кои фактори можеме да влијаеме:
Големи празнини помеѓу оброците – ако празнините се предолги, вашиот метаболизам се забавува бидејќи на тој начин ја складира енергијата. Како можеме да го поправиме? Воведете 5 оброци во текот на денот.
Физичка неактивност – сите знаеме дека бројот на калории што ги согоруваме во текот на денот е значително намален доколку не сме физички активни. Мораме да ја балансираме физичката активност со исхраната.
Начинот на кој се храните – ако се исцрпувате со гладување или постојани диети, директно влијаете на забавување на метаболизмот.
Лоша хидратација – дехидрацијата ги успорува сите системи во телото.
Стрес – може и да го забави метаболизмот, бидејќи стресот создава и напнатост и ги тресе сите системи во телото. Покрај тоа, многу луѓе почнуваат да се прејадуваат кога се под стрес.
Спиење – уште еден многу важен фактор. Треба да спиете доволно, бидејќи ако не спиете, ако сте преморени и хронично ненаспани и слаби, тогаш и вашиот метаболизам ќе се забави.
Не постои волшебна формула, но ако се грижите за вашето здравје, а тоа ги вклучува сите горенаведени како неопходни промени кои мора да ги усвоите, вашиот метаболизам може да се промени и да се „забрза“.