Според новото истражување објавено во списанието „Превентивна медицина“, очекуваниот животен век може да се продолжи доколку се избегнат четири лоши животни навики: пушење, алкохол, лоша исхрана и неактивност.
Фактор на ризик
Во истражувањето на научниците од Универзитетот во Цирих учествувале 16.721 лице на возраст од 16 до 90 години. Целта на истражувањето беше да се утврди како се чини дека здравите животни навики се изразени во бројки и да се докаже како избегнувањето на нездрави фактори може да придонесе за продолжување на животниот век.
Истражувањата покажаа дека пушењето е дефинитивно најголемиот ризик фактор, а пушачите имаат 57 отсто поголем ризик од прерана смрт. Исто така, луѓето кои не избегнуваат ниту една од четирите лоши животни навики имаат два и пол пати поголем ризик од прерана смрт.
- Бевме прилично изненадени од два и пол пати поголемиот ризик од прерана смрт што го создаваат овие четири фактори кога ќе се комбинираат. На пример, 75-годишен маж, кој не избегнува ниту еден од овие четири фактори на ризик, има само 35 проценти веројатност да ги преживее следните десет години. Но, ако истата личност ги избегнува овие фактори на ризик, шансите за подолг живот се високи до 67 проценти – велат истражувачите.
Нездрава храна
Покрај тоа, влијанието на нездравиот начин на живот се зголемува со возраста. За луѓето на возраст меѓу 45 и 55 години кои пушат, пијат алкохол, не вежбаат и се хранат нездраво, ефектот на негативните фактори е значително помал отколку кај луѓето на возраст од 65 до 75 години. Шансите 75-годишник да живее здраво ќе бидат 67 проценти во следните десет години.
