Италијанската полиција уапси Албанец во Рим откако во неговата куќа беа пронајдени 200 килограми кокаин во вредност од 16 милиони евра, објавија денес италијанските медиуми.
Карабињерите пронајдоа осум вреќи со дрога, пиштол и 30.000 евра во готово во неговата куќа, објави ТВ Раи.
Полицијата го забележа сомнителното однесување на 22-годишен Албанец кој се шетал по улицата, а по претресот кај него е пронајдена голема сума пари.
Потоа карабињерите ја претресоа неговата куќа, каде што пронајдоа осум вреќи со кокаин, поделени на 191 блок, кои можат да се користат за правење 8.000 индивидуални дози во вреќи.
Вредноста на дрогата се проценува на 16 милиони евра, кои организираниот криминал во Рим би ги искористил за финансирање на понатамошни нелегални активности на криминални групи, според Раи.
Во автомобилот на осомничениот Албанец е пронајден сложен систем за отворање на лажното дно под кое ја криел дрогата.
По апсењето, тој беше префрлен во затворот Ребибија во Рим, каде што чека судење.
