Министерот за внатрешни работи Ивица Дачиќ денес на интегрираниот граничен премин Прешево-Табановце го пречека министерот за внатрешни работи на Северна Македонија, Панче Тошковски, со кого го обиколи овој заеднички граничен премин и ја истакна добрата полициска соработка меѓу двете земји.
Дачиќ посочи дека добрата полициска соработка во сите области, како што се борбата против нерегуларната миграција, криминалот и тероризмот, но и соработката на полето на вонредните ситуации, е пред сè во интерес на граѓаните на двете земји, соопшти МУП.„Ние сме на ова место каде што има интегриран граничен премин, што е показател колку ни е потребна добра полициска соработка меѓу нашите земји. Целта на сите активности, кога станува збор за граничната полиција, е таа да биде како што е можно поедноставно за граѓаните да ја преминат државната граница“, рече министерот Дачиќ, и посочи дека Коридорот 10 е една од главните рути низ кои поминуваат голем број домашни и странски државјани.
