Порамнувањето од 650 милиони долари претставува едно од најголемите плаќања од платформата за социјални медиуми досега за нарушување на приватноста , а сето тоа се должи на нејасниот државен закон кој вклучува слики објавени на платформата за социјалните медиуми .
Чување на биометриски податоци без согласност
Против Фејсбук е поднесена колективна тужба , во која се тврди дека го прекршил законот на Илиноис од 2008 година, познат како Закон за биометриска приватност (BIPA). Според написот во весникот во Чикаго, законот вели дека „на компаниите не им е дозволено да собираат, складираат или обезбедуваат биометриски податоци, кои вклучуваат работи како скенирање на лицето или отпечатоци од прсти, без претходна најава и лична согласност“.
Од компаниите се бара и да наведат како ќе се чуваат информациите и кога ќе бидат уништени.
Наводно, Фејсбук го прекршил Законот за биометриска приватност кога користел технологија за препознавање лице за да создаде модели на лица на луѓе кои потоа би можеле да се користат за идентификација на корисниците, но тоа го направи без нивна согласност.
Фејсбук ги отфрли сите наводи за неправилност, но се согласи да создаде фонд за порамнување на долгот од 650 милиони долари за да им компензира повеќе од 1,4 милиони луѓе.
