Фолксваген го прекинува производството на возила во Русија и ќе го прекине извозот на рускиот пазар.
„Групата Фолксваген ја прими веста за војната во Украина со големо вознемирување и шок. Фолксваген продолжува да се надева на прекин на непријателствата и враќање на дипломатијата. Убедени сме дека одржливо решение за конфликтот може да се најде само врз основа на меѓународното право“, велат од компанијата.
„Наспроти позадината на рускиот напад врз Украина и последиците од нив, Управниот одбор на Групацијата на Volkswagen AG одлучи да го прекине производството на возила во Русија до понатамошно известување. Оваа одлука се однесува на руските производствени локации во Калуга и Нижни Новгород“, се додава во соопштението, истакнувајќи дека извозот на возила во Русија ќе биде запрен „со моментален ефект“.
Другите производители на автомобили, вклучувајќи ги Форд и Рено, исто така го прекинаа производството во Русија.
Јагуар Ленд Ровер и Волво соопштија дека ги запираат испораките во Русија до понатамошно известување.
