Изминуваат речиси 11 години од денот кога поп пејачот Тоше Проески не напушти засекогаш на 16-октомври, 2007-ма година во сообраќајка кај Нова Градишка, Хрватска.
И после толку години, фановите на Тоше се во неверување за големата загуба, а болката најмногу ја чувствува негово семејство.
Сестрата на Тоше Проески, Дора на својот профил на Фејсбук постојано објавува фотографии и песни од нејзиниот брат, а последно сподели емотивен статус од српска фан страна насловена „Тоше Проески – Балкански анѓел“.
Овој статус е составен од насловите на најголемите хитови на македонската музичка ѕвезда.
ОФИЦИЈАЛНО: На 13 октомври ќе ги слушнеме новите песни на Тоше Проески
Од фондацијата „Тоше Проески“ денес го соопштија датумот на промоција на неговиот необјавен албум „Secret place“.
Албумот кој што е изработен во студиото на англискиот продуцент Енди Рајт ќе биде промовиран на 13 – ти октомври, на денот на концертот посветен на Проески, а на него се наоѓаат седум нови песни и три обработки на познати хитови.
Големиот концерт во чест на Тоше, каде ќе бидат промовирани песните од новиот албум ќе се одржи во арената „Борис Трајковски“ во Скопје и предвидено е балкански и македонски музички ѕвезди да ги пејат неговите хитови.
Ова е фотографијата која ќе стои на омотот на новиот постхумен албум на Проески насловен како „Secret place“, дел од него ќе биде и песната која беше промовирана во октомври лани:
