Вчера се случила голема трагедија во Струмица.
Според информациите, вчера околу 12 часот на влезот на градот, на необработена нива позади складот за дрва на Шумското стопанство „Беласица“, на место „Крива река“, бил пронајден починат М.А. (19), матурант во едно од струмичките средни училишта.
Веста ја потврдуваат од СВР Струмица од каде велат дека телото ќе оди на обдукција.
„Лекар констатирал смрт, а увид на местото извршиле јавен обвинител од Основното јавно обвинителство Струмица и екипа на СВР Струмица. По наредба на јавен обвинител телото било предадено на обдукција“, се наведува во информацијата од СВР Струмица.
Засега не се соопштуваат повеќе детали за смртта на момчето и како тоа завршило на локацијата каде бил пронајден.
