Google го отстрани рускиот државен медиум RT од својата алатка за пребарување вести.
„Во оваа извонредна криза преземаме вонредни мерки за да го запреме ширењето на дезинформации и да ги попречиме кампањите за дезинформација на интернет“, рече Кент Вокер, претседател за глобални прашања на Google.
Компанијата веќе ги ограничи вестите финансирани од руската влада да рекламираат и да користат некои функции на YouTube, платформата за споделување видео во сопственост на Google.
Заменик-главниот уредник на RT, Ана Белкина, рече дека овој потег е доказ дека западните компании „естаблишменти“ се „преплашени од само присуство на кој било надворешен глас поради стравот да не ја загубат својата историски заробена публика, доколку таа публика наиде на поинаква перспектива“.
RT и Sputnik, уште еден сајт финансиран од владата, американскиот Стејт департмент ги смета за два „ критични елементи во рускиот екосистем за дезинформации и пропаганда“.
Технолошкиот гигант Apple, исто така, рече дека RT и Sputnik повеќе нема да бидат достапни за преземање на неговата продавница за апликации надвор од Русија.
