Грција го започна изборот на нов претседател. Мандатот на актуелната претседателка Катерина Сакерало Полу истекува на 13 март. Денеска е првото гласање, а има четворица предложени од владејачката партија и од опозицијата.
Изборот на претседател кај нашиот јужен сосед го прави парламентот и тој има право да биде реизбран само еднаш. Исто така, мора да исполнува одредени критериуми:
- Да има грчко државјанство стекнато најмалку пет години пред изборите.
- Да има грчко потекло, или од татко или од мајка.
- а до денот на изборите наполниле 40 години.
Премиерот Киријакос Мицотакис го предложи актуелниот претседател на Националното собрание Константинос Тасулас, а опозицијата даде јасен сигнал дека нема да гласа за него и предложи уште три имиња. Тоа се Тасос Јаници од ПАСОК, од СИРИЗА – Лука Кацели и предложени од партијата Победа – Костас Кирјаку.
Иако изборот на кандидатот на владејачката партија Тасулас се зема здраво за готово, тоа не се очекува да се случи на првото гласање.
Според Уставот, изборот на претседател на Републиката се врши во последователни гласања со растојание од 5 дена меѓу нив.
За да биде избран, одреден кандидат мора да добие поддршка од пошироките политички сили и да собере 200 гласа во првите два круга или 180 во третиот круг.
Доколку ниту еден кандидат не го добие потребниот број гласови, процесот се повторува по период од 5 дена, при што за претседател се избира лицето кое ќе добие 151 глас.
Затоа се очекува победа на Костас Тасулас на четвртото гласање кое ќе се одржи на 12 февруари, кога ќе биде избран со гласање на пратениците од владејачката партија.
Зошто Катерина Сакеларопулу не беше номинирана за втор мандат?
Најверојатно, причината е притисокот што го добила од протестниот фронт на народната десница, од каде никогаш не се однесувале љубезно кон актуелниот претседател.
Причината за нападот на Сакеларопулу сепак е нејзиното учество во донесувањето на законот за истополови бракови.
Нивниот аргумент беше дека претседателката треба со својот став да го искаже мислењето на сите Грци, што таа не го направи, отворено славејќи го законот на кој се спротивстави голем дел од грчкото општество.
