Прогласувањето некого за најдобар или најлош актер обично е прашање на личен вкус, но една студија се обиде да понуди објективен одговор.
Аналитичката куќа Stats Significant разви модел што комбинира повеќе критериуми. Беа земени предвид просечните оценки од критичарите по филм, комерцијалните неуспеси на бокс-офисот, како и бројот на освоени и номинирани награди „Златна малина“. Целта беше да се изработи што е можно пообјективна листа.
Според резултатите од анализата, за најлоша актерка во историјата на кинематографијата е прогласена Мадона. Таа имала просечна оценка од 4,98 по филм, низа комерцијални неуспеси и девет освоени „Златни малини“ од 16 номинации во седум различни категории. Меѓу нив е и „Златна малина“ за „Најлоша актерка на векот“, која ги опфаќа филмовите снимени помеѓу 1900 и 1999 година, пренесува „Far Out Magazin“.
Авторите на анализата предвиделе и приговор дека Мадона не е професионална актерка.
Мадона глумела во филмови како „Valovi sudbine“, „Njeno tijelo je dokaz“, „Četiri sobe“ и „Šangajsko iznenađenje“.
Иако е светски позната како музичка ѕвезда, нејзината актерска кариера често била мета на критики. Студијата токму со комбинација од лоши оценки, слаби комерцијални резултати и награди за најлоши остварувања дошла до својот заклучок.
Кога авторите ја исклучиле Мадона од истражувањето и се фокусирале исклучиво на професионални актери, меѓу првите пет најлоши се нашол Стивен Сигал. Со тоа, студијата понудила алтернативен одговор за оние што сметаат дека треба да се оценуваат само актери со професионална кариера.
И покрај бројките, фасцинацијата со лошите филмови и понатаму останува дел од поп-културата. Некои изведувачи стануваат култни токму поради своите неуспеси, а негативните критики и „Златните малини“ не значат нужно крај на кариерата.
Дебатата за тоа кој е најлош актер покажува колку публиката сака рангирања, но и колку успехот и неуспехот во филмот често се релативни.
