Маглата предизвикува хаос на скопскиот аеродром: 10 пренасочени и 4 откажани летови

Во изминатите 24 часа, густата магла на Скопскиот аеродром предизвика значителни нарушувања во авионскиот сообраќај, со 10 пренасочени слетувања и 4 откажани летови. Летовите беа пренасочувани главно кон соседните аеродроми во Приштина и Софија, додека дел од нив се вратија на почетните дестинации.

Пренасочени летови:

1. Анталија (25.01.2025) – Пренасочен кон Приштина
2. Меминген (25.01.2025)  – Пренасочен кон Приштина
3. Варшава (25.01.2025) – Вратен назад во Варшава
4. Баден Баден (25.01.2025) – Пренасочен кон Софија
5. Париз (25.01.2025) – Пренасочен кон Софија
6. Цирих (25.01.2025) – Пренасочен кон Приштина
7. Рим (25.01.2025) – Пренасочен кон Приштина
8. Малме (25.01.2025) – Пренасочен кон Приштина
9. Берлин (26.01.2025) – Пренасочен кон Софија
10. Нирнберг (26.01.2025) – Пренасочен кон Приштина

Откажани летови:

1. Истанбул – Откажан (25.01.2025)
2. Загреб – Откажан (25.01.2025)
3. Венеција – Откажан (26.01.2025)
4. Истанбул – Откажан (26.01.2025)

Препораки за патниците:

Патниците се советуваат да ја следат состојбата со летовите преку официјалните канали на Скопскиот аеродром и да останат во контакт со авиокомпаниите за најновите информации.

Поради конфигурацијата на теренот, Скопскиот аеродром е ограничен на Категорија 1 и не може да добие прекатегоризација во Категорија 2 со што би се намалиле минимумите за слетување при намалена видливост. Од Министерството за транспорт и врски велат дека ограничувањата за слетување при намалена видливост не се поради неесоодветна опрема, туку поради теренот каде што се наоѓа аеродромот во Скопје, објави СДК.мк

ФОТО Три авиони кружат над Скопје и не може да слетаат на скопскиот аеродром

Утрово авиосообраќајот е нормализиран. Моменталната видливост е 4000 метри.