УХМР издаде метео аларм за денеска, предупредувајќи на нестабилни временски услови особено во источниот и јужниот дел на земјата. Се очекуваат поинтензивни процеси во форма на краткотрајно невреме, пороен дожд со количина над 15 литри на метар квадратен за кратко време, појава на грмежи и засилен ветер.
Нестабилноста ќе биде најизразена попладне и во доцните попладневни часови, со можност за локализирани невремиња кои може да предизвикаат проблеми во сообраќајот и на отворените површини.
Од Управата за хидрометеоролошки работи апелираат граѓаните да бидат внимателни, да ги следат временските прогнози и да избегнуваат движење во подрачја каде што е можен пороен дожд и невреме, особено покрај реки и на места со лоша дренажа.
