Утрово најстудено беше во Берово, каде се измерени -14 степени.
Следуваат -11 степени во Маврови Анови и Попова Шапка, -10 во Крива Паланка и Демир Капија, -9 во Скопје-Петровец, Битола, Штип и Струмица, -8 во Скопје-Зајчев Рид, Тетово, Куманово, Велес и Крушево, -7 во Прилеп, Виница, Кавадарци и Гевгелија, додека во Охрид и Претор се измерени -5 степени.
Висината на снежната покривка изнесува 32 см на Попова Шапка и 8 см во Маврови Анови.
Утрото беше ведро и многу студено, додека преку денот се очекува сончево време со слаб до умерен северен ветер.
Максималната температура ќе се движи во интервал од 2 до 10 степени.
Во Скопје утрото студено, а преку денот сончево со слаб северен ветер. Максималната температура ќе достигне 9 степени.
