Селото Оиа на грчкиот остров Санторини е на врвот на листата на најубави села во светот, пишува „Uswitch“. Податоците од социјалните мрежи им помогнале да откријат кои живописни села се омилени меѓу читателите.
Анализирајќи ги хаштаговите на Instagram и пиновите на Pinterest, беше откриено дека Оиа е убедливо најпопуларното село во целиот свет.
Оиа има вкупно 1.612.671 објави на социјалните мрежи, што е за речиси 500.000 повеќе од второрангираното село на листата, Гореме во Турција.
На трето место е селото Халштат во Австрија.
Санторини е една од најбараните дестинации на планетата, а како што пишува „Uswitch“, многумина решиле доживотно да избираат села на овој остров, а прашањата за руралните имоти секоја година растат за 126 проценти.
Убавината на овој остров уште еднаш се потврди кога туристичкиот сајт Bounce, Санторини, неодамна го прогласи за дестинација со најубавото зајдисонце во светот.
