Министрите за одбрана на земјите од НАТО на состанокот во Брисел ќе разговараат за можностите за брзо обезбедување на Украина со средства за противвоздушна одбрана. Ова го соопшти генералниот секретар на пактот Јенс Столтенберг пред почетокот на состанокот.
Тој прецизираше дека на Украина и се потребни различни противвоздушни системи, вклучително и долг дострел и за отстранување на беспилотни летала.
„Нашата порака до Украина е дека сме подготвени да обезбедиме долгорочна помош се додека е потребна“, рече Столтенберг.
Според него, сојузниците ќе разговараат за прашањето за надополнување на залихите на оружје на земјите од алијансата поради зголемените потреби. Министрите ќе разговараат за прашањето за заштита на критичната инфраструктура по саботажата на гасоводот Северен тек во Балтичкото Море.
Столтенберг повторно истакна дека и покрај заканите на Русија за употреба на нуклеарно оружје, НАТО врши мониторинг и досега не забележала никакви промени во распоредот на руските нуклеарни сили.
Генералниот секретар го повтори повикот до Белорусија да не соработува со Русија во воените дејствија против Украина.
