Од рудникот САСА, Општина Македонска Каменица, известуваат дека утре 28 ноември 2025 (петок) ќе спроведат редовно тестирање на системот за тревожење, a согласно уредбата на ЦУК за знаците за тревожење, начинот за тревожење како и постапките на населението за навремено предупредување и заштита на населението во случај на природни или други непогоди предвидено е тестирање на сирените секој последен петок во месецот.
Напоменуваме дека ова е исклучиво тест на функционалноста на системот кое се спроведува согласно законската регулатива.
Целта на тестирањето е да се провери исправноста на системот и да се обезбеди негова целосна функционалност во случај на реална потреба.
Тестирањето ќе се одвива во период од 12:00 до 12:30 часот и ќе биде извршено со кратко вклучување на сите сирени, распоредени од индустрискиот круг на рудникот до градот, по течението на Каменичка река.
