Повеќе земјотреси се регистрирани денеска во турските области Кахраманмарас и Хатај, соопшти владината Дирекција за управување со катастрофи и вонредни состојби (АФАД).
Земјотрес со јачина од 4,3 степени утрово го погоди југоисточниот округ Кахраманмарас.
Потресот е регистриран во 08:45 часот по локално време (7:45 часот по бугарско време). Неговиот епицентар бил во градот Оникишубат, а длабочината била 7 километри. Нема информации за повредени лица.
Подоцна – во 10:43 часот по локално време, земјотрес со јачина од 3,8 степени е регистриран во Кахраманмарас. Неговиот епицентар бил во градот Елбистан, а длабочината на 7 километри.
Кахраманмарас беше епицентарот на разорните земјотреси на 6 февруари.
Потреси со јачина од 3,4 и 3,9 степени (во 9 часот и 3 минути и 9 часот и 5 минути) се регистрирани утринава во градот Антакија (област Хатај), кој беше целосно уништен од февруарските земјотреси. Длабочината на двата земјотреси била 7 километри, информираат од АФАД.
Афтершокови траат веќе месец и половина на повеќе места во земјава.
Според последните податоци, бројот на жртвите од разорните земјотреси во Турција е над 50.000, повредените се околу 115.000.
