Во престрелката што се случила кај Младеновац загинале осум лица, а повеќе од 10 се ранети, потврдија за порталот Н1. Екипата N1 заминала во селото Дубона, каде што се случил инцидентот. Напаѓачот прво пукал во тоа село, а потоа и во селото Мало Орашје. На порталот N1 му беше соопштено дека најверојатно се работи за терористички акт.
Како што јави репортерот на Н1 од Дубона, полицијата е распоредена низ селото, на улица има и граѓани кои бараат од полицијата информации за тоа што се случува.
ако што претходно соопшти МВР, започна акцијата Вител.
По младиот У.Б.(21) распишана е потерница. Полицијата го опколила местото каде што се крие.
Хеликоптери ќе летаат над локацијата.
Од МВР за порталот Н1 велат дека „изолирана е област каде што се претпоставува дека се крие напаѓачот и се врши детален претрес“. Тие, пак, наведуваат дека ноќта и непристапниот терен не помагаат.
На терен се сите специјални единици на МУП, Специјалната антитерористичка бригада (САЈ), Жандармеријата, хеликоптерските единици, припадниците на белградската полициска управа и полициската управа Смедерево.
Телеграф пренесува дека министерот за внатрешни работи Братислав Гашиќ вечерашното пукање го оцени како терористички чин.
Репортер N1 јавува дека и на автопатот имало многу полиција.
Екипи на Брза помош и полиција се на местото на инцидентот. Од Ургентниот центар не соопштуваат за состојбата на пациентите.
Од МВР на Младеновац за порталот Н1 не можеа ниту да потврдат, ниту да демантираат каква било информација, освен „дека се во хаос“.
Засега официјално не се познати мотивите, но медиумите шпекулираат дека на пукањето и претходела расправија во училишниот двор. Како што се уште се шпекулира, насилникот при неговото бегство пукал и во соседните места.
