Астрономите го открија можеби најсветлиот објект во универзумот, квазар со црна дупка во срцето, која расте толку брзо што секојдневно голта еквивалент на Сонцето.
Рекордниот квазар сјае 500 трилиони пати посилно од нашето Сонце. Црната дупка што го напојува овој далечен квазар е повеќе од 17 милијарди пати поголема од Сонцето, објави тимот предводен од Австралија во списанието Nature Astronomy.
Квазар, според описот на научниците, е диск што ротира околу црна дупка во форма на прозрачна вртечка гас и друга материја од проголтаните ѕвезди, а целата сцена е како космички ураган.
„Овој квазар е најнасилното место што го знаеме во универзумот“, вели главниот автор Кристијан Волф од Австралискиот национален универзитет.
Објектот J0529-4351 бил забележан од Европската јужна опсерваторија за време на истражување на небото во 1980 година, но се сметало дека е ѕвезда.
Тоа не беше идентификувано како квазар до минатата година. Ова го потврдија набљудувањата од телескопите во Австралија и пустината Атакама во Чиле.