Авионските патувања во ЕУ во 2020 година се намалени за 73 отсто во однос на 2019 година, објави денеска Евростат. Главната причина за огромниот пад е пандемијата на коронавирус, соопшти агенцијата. Во текот на годината во ЕУ летале 277 милиони луѓе.
Најголемо намалување на бројот на патници забележа Словенија – 83,3 отсто, потоа Словачка (82,4 отсто) и Хрватска (81,9 отсто).
На спротивниот пол е Луксембург со пад од 67 отсто, потоа Бугарија – 68,2 отсто и Грција – 69,1 отсто.
Во 2020 година, патниците надвор од ЕУ сочинуваа 45% од вкупниот патнички сообраќај, домашните летови сочинуваа 33%, а националните летови со 22%.
Во 2020 година, најмногу патници поминале преку аеродромот Шарл де Гол во Париз – 22 милиони, по што следи Шипхол во Амстердам – 21 милион.
Најголемо количество товар и пошта опслужил аеродромот во Франкфурт – 1,9 милиони тони.
